Rrjeti i Organizatave të Grave Rome, Ashkali dhe Egjiptase të Kosovës (RROGRAEK), ka mirëpritur Miratimin e Ligjit për Mbrojtjen e Fëmijëve.

“RROGRAEK” vlerëson se Ligji për Mbrojtjen e fëmijëve është ndër Ligjet me të rëndësishme, pasi ka qëllim mbrojtjen e fëmijëve nga të gjitha format e dhunës, abuzimit dhe keqpërdorimit të tyre.

Drejtoresha e RROGRAEK-ut, Shpresa Agushi ka thënë se ky është një hap i rëndësishëm, sa u përket mbrojtjes së të drejtave të të gjithë fëmijëve në Kosovë, pasi që tashmë të drejtat e fëmijëve do të mbrohen me ligj.

“Çdo fëmijë, pavarësisht nga përkatësia e tyre socio-ekonomike ose etnike, duhet të gëzojë kujdesin, shëndetin dhe mirëqenien e nevojshme dhe të kenë qasje në shërbime cilësore. Asnjë fëmijë nuk duhet të shfrytëzohet apo abuzohet. Andaj Miratimi i Ligjit për mbrojtjen e fëmijëve është një lajm i mirë”, ka thënë ajo.